Genero-berdintasunaren, kulturartekotasunaren eta garapen iraunkorraren alde lan egiten dugu.
Hainbat jatorritako emakumeak
Irabazi asmorik gabeko elkartea gara, 2016an Basaurin (Bizkaia) sortua, baina gaur egun Gasteizen (Araba) ere badugu egoitza.
Gure erakundea hainbat jatorritako emakumeek osatzen dute, genero-berdintasunaren, kulturartekotasunaren eta garapen iraunkorraren inguruko kezkak dituztenak.
Dibertsitate, prestakuntza eta gaitasun desberdinak ditugun emakumeak gara; gure antzeko kezkak eta elkarlanerako borondatea dituztenak hartzeko prest gaude.
Gaztelaniaz, ingelesez, arabieraz, frantsesez eta euskaraz hitz egiten dugu, eta, beraz, zure lehentasunezko hizkuntzan ulertu ahal izango dugu elkar.
Gure eguneroko lana
Egunero aktibatzen gara bizi garen errealitatea eraldatzeko, mundu bidezkoagoa, solidarioagoa eta seguruagoa nahi dugulako pertsona guztientzat.
Enpatia eta hurbiltasuna dira gure lan-tresna nagusiak.
Konponbidearen parte izan nahi dugu, eta, horregatik, abordatu nahi ditugun problematikak argi eta garbi identifikatzen ahalegintzen gara, gure ekintzen arrakasta eta eraginkortasuna ziurtatzeko ezinbestekoak diren aliantzak ehuntzeaz gain.
Guregana hurbildu nahi baduzu, hau aurkituko duzu:
-
Harrera, orientazioa eta deribazioa: aurkezten diguzun egoerara bideratuta, konponbide praktiko eta azkarrena lortzen lagunduko dizugu, betiere gure aukeren barruan.
-
Sentsibilizazioa: berdintasunaren, immigrazioaren, aurreiritzien eta estereotipoen aurkako borrokaren arloan; baita ingurumenaren iraunkortasunaren eta klima-aldaketaren aurkako borrokaren alde ere, bai maila orokorrean, bai hezkuntza-eremuan.
-
Sareko lana: tokiko administrazioekin, emakumeen elkarteekin eta gizarte-ekintzako hirugarren sektorearekin lotutako beste gizarte-erakunde batzuekin, bai eta herritarrekin ere, oro har.
